Um ábyrgð

Mér finnst Jóhanna bera þá ábyrgð helsta að ákveða það sjálf hvort hún er tilbúin til að taka starfið að sér eða ekki.

Mér hefur alltaf fundist það hálf fáránlegt að það sé sama manneskjan sem gegnir mörgum mikilvægum störfum, ég held að flestir eigi hreinlega fullt í fangi með eitt starf, sérstaklega starf á borð við forsætisráðherrastöðu. Ég er alfarið á móti því að ráðherrar séu þingmenn líka og að stjórnmálafólk almennt sé að taka of mikið að sér í einu.

Ég er viss um að þjóðfélaginu okkar myndi farnast betur ef við værum betri í því að skipta verkum svo allir geti sinnt sínu starfi eins vel og mögulegt er, í stað þess að færri einstaklingar séu í mörgum stöðum, nefndum og fleiru, jafnvel í fyrirtækjarekstri um leið.

Þetta er bara algjör vitleysa og hana nú!

Blysför til Jóhönnu

Athugasemdir

[Arnþór Snær (IP-tala skráð) 12.3.2009 kl. 00:23]

Er sammála in principle, en held að það þurfi að afgreiða nokkur atriði áður en við komumst á þennan stað (t.d. þrískipting valds, sjálfstæðar og virkar eftirlitsstofnanir og annan lýðræðis öryggisútbúnað).

Á meðan við kjósum flokka en ekki einstaklinga, þá er eðlilegt að formaður flokksins sé sá sem flokkinn leiðir og sé jafnframt í lykilstöðu ef flokkurinn skildi ná völdum. Að mínu mati kostaði þessi ruglingur Samfylkinguna meirihlutakosningu árið 2003. Það verður athyglisvert að sjá hvort SF reyni að vera pólitískt klár aftur eða hvort þau séu tilbúin til að leiða. 

-Addi

[Arinbjörn Kúld, 21.3.2009 kl. 04:01]

Mikið rétt og vonandi ber okkur gæfa til að fara breyta hlutum og fyrirkomulagi strax í vor.