Hvernig á að haga sér

Mér finnst þetta nú ansi gamaldags hugsunarháttur, að það þurfi að kenna þessum konum hvernig á að haga sér. Ég er sannfærð um að það eru til vænlegri ráð gegn þessu heldur en að kenna konum hver þeirra staður er og hvernig á að haga sér.

Það ætti frekar að vinna í bættri sjálfsímynd unglinga og betri fræðslu um kynsjúkdóma. Hugarfarið í unglingum er auðvitað líklegt til að vera það sama og hjá foreldrum þeirra sem er að hugsa aldrei til framtíðar en leggja allt í neysluna í dag. Ef þessi kreppa breytir þessu hugarfari, þá er ég nú bara nokkuð sátt við hana :)

Fleiri ungar konur hér með kynfæravörtur

Athugasemdir

[Birkir Kvistáls (IP-tala skráð) 14.1.2009 kl. 09:40]

Rétt hjá þér. Þetta snýst um cultural behaviour. 

Íslendingar eru alltof lausgirtir, líklega vegna þess að þeir don't give a flying fuxx about anything, lifandi lengst uppí ballarhafi, í kafaldsbil, með ekkert að gera annað en yoga og sex og kaupa meira í dag en í gær. 

[Hildur Helga Sigurðardóttir, 14.1.2009 kl. 10:17]

Þýðir þetta ekki ósköp einfaldlega að við þurfum að tala betur við unglingana okkar ?   Án æsings og stæla -bara ræða við þau í róleghetum ?

[Sóley Björk Stefánsdóttir, 14.1.2009 kl. 10:24]

Ég held það sé ekki spurning. Unglingar taka meira mark á foreldrum sínum en margir halda og þeirra helsta ósk er að það sé talað við þau eins og almennilegar manneskjur :)