Ögmundur grrrrr.....

ÓJÁ. Þetta hélt ég nú aldrei að ég myndi segja , en mér finnst Ögmundur Jónasson hot. Ég vissi það reyndar ekki fyrr en núna áðan þegar ég sá auglýsingu frá VG í fréttablaði gærdagsins. Það var svona stór auglýsing (bls 21) og risastór mynd af Ögmundi og ég verð að segja að stílilstinn er að gera kraftaverk þarna. Gaurinn er bara með svöl gleraugu, skeggið ógeðslega töff og búið að photoshopa út allar hrukkur og línur og brosið er eitthvað svaka sexý. Ég er bara svo aldeilis hissa. Það eina sem tekst ekki að gera kúl er hárið, en maður er svo límdur við lofandi daðrarabrosið að maður tekur bara ekkert eftir smérgreiðslunni.

Ég velti því fyrir mér hvort VG sé farið að skipta við sömu auglýsingastofu og hefur hingað til verið að gera góða hluti fyrir Framsóknarflokkinn. Ef svo er þá er flokkurinn í gríðarlega góðum málum, því öll vitum við að það skiptir máli að vera sætur í pólitík, gott ef það skiptir ekki bara mestu máli (prufum að spyrja Björn Inga)

Þessi færsla er í boði Félags Frjálslyndra Feiknarflottra Femínista sem er óstofnað ennþá en ég held að fósturvísar þess séu farnir að hreiðra um sig víða og munu liðsmenn félagsins beita aldagömlum aðferðum, á borð við það að dæma karlapólitíkusa eftir útlitinu, í þeim tilgangi að skrúfa sundur festingarnar í burðarbitum feðraveldisins.

Athugasemdir

[Addi (IP-tala skráð) 12.4.2007 kl. 07:39]

nei vá

[Óli (IP-tala skráð) 12.4.2007 kl. 10:33]

Já þetta er rétt hjá þér, útlitið segir allt sem segja þarf

[Jón Heiðar (IP-tala skráð) 12.4.2007 kl. 13:53]

Við feðurnir sem eru greinilega uppspretta alls ills í þessum heimi gleðjumst yfir því að kallar eins og Ögmundur eru allt í einu orðnir hot. Það er þá von fyrir okkur marga amk :)

 Jón Heiðar

[Sóley Björk Stefánsdóttir, 12.4.2007 kl. 15:35]

Æj elsku, besti, yndislegi og mjög svo frábæri Jón Heiðar. Leiðinlegt að þú skulir taka þessu svona persónulega. Þú ert jafn mikil leiksoppur þessa mörgþúsund ára gamla kerfis og ég. Ég er jafn mikill hluti af þessu kerfi og þú.

Nafngiftin á kerfinu vísar, að minni vitund, ekki í það hverjir það eru sem viðhalda kerfinu heldur hverjir það eru sem hagnast á því og því miður ert það þú en ekki ég, ég vildi að það væri öfugt, en svona er þetta nú bara.

En þetta er nú svo miklu meira heldur en spurning um svart eða hvítt, mitt lið eða þitt. Ég t.d. græði mun meira á þessu kerfi heldur en t.d. hommi í Afganistan. Það er fullt af liðum og við erum ekki einu sinni öll að spila í sömu deild. Ég er sem betur fer í efstu deild ásamt þér. Og þetta verður örugglega í fyrsta og eina skiptið sem ég nota íþróttamyndlíkingu í máli mínu :)

[Jón H (IP-tala skráð) 13.4.2007 kl. 08:43]

Já það er rétt maður svífur á þöndum vængjum feðraveldisins. Maður þarf ekkert að gera nema bara sitja og njóta ferðarinnar ...