Gegn stefnu Borgarahreyfingarinnar?

Ég hélt að það væri helsta stefna Borgarahreyfingarinnar að hrista upp í málum á Alþingi, gera skurk í siðferðismálum á þingi og þess háttar.

Í því ljósi er mjög undarlegt að heyra Þráinn tala um að byrja á því að fylgja hefðum og siðum í sambandi við slíkt siðferðismál sem það er að þiggja tvöföld laun af skattgreiðendum.

Þráinn íhugar heiðurslaun

Athugasemdir

[Hilmar Gunnlaugsson, 27.4.2009 kl. 21:04]

Þráinn er spilltur.

[Addi (IP-tala skráð) 27.4.2009 kl. 23:33]

Auðvitað á hann ekkert að hugsa eða íhuga þetta.

Það er ekkert sem segir að hann þurfi að afþakka launin, en ef hann getur ekki verið róttæk fyrir mynd fyrir hið nýja siðferði sem fólk vill sjá á alþingi, þá ætti hann að afþakka þingsætið og rýma það fyrir einhverjum sem getur það.

Þetta gerir jafn mikið fyrir trúverðugleik hans og þegar Framsókn sagðist ætla að reyna að opinbera styrkina af því að það væri í tísku.

Obama kann þetta, hefur nánast alltaf verið á undan andstæðingum sínum í að bregðast við hugsanlegum skandölum og jafnframt mjög afgerandi í viðbrögðum sínum.

-Addi

[Whatsername (IP-tala skráð) 28.4.2009 kl. 00:57]

Hvar er Þráinn??  Ennþá að íhuga málið??  Hefur virkilega ekkert heyrst frá manninum í dag?  Því lengur sem hann bíður, þeim mun meira fellur hann - og flokkur hans - í áliti hjá kjósendum.

Í Kastljósi í kvöld var sýnt frá innliti á fund hjá Borgarahreyfingunni og oddvitar flokksins og nýjir þingmenn voru þar allir, nema Þráinn.  Er verið að fela manninn þangað til fólk gleymir þessu klúðri hans á fyrsta degi hans sem nýkjörinn þingmaður?