Um æsifréttamennsku

Ég hlustaði á fréttir útvarpsins klukkan 18 í dag. Þar var þessi frétt og talað var við veðurfræðing sem var m.a. spurður að því hvort hætta væri á að þetta héldi áfram í kvöld en sá sagði litla hættu á því vegna þess að það sem þessu veldur er þegar sólin er að hita kalt landið. Í lok fréttatímans var svo yfirlit yfir helstu fréttir og þar tók fréttamaður fram að hætta væri á að þetta héldi áfram í kvöld. Hann var s.s. ekkert að taka mark á því sem veðurfræðingurinn sagði heldur hélt frekar fram rangindum sem vissulega hljómuðu meira dramatískt en sannleikurinn.

Þrumur og eldingar

Athugasemdir

[Ágústa (IP-tala skráð) 19.7.2009 kl. 00:08]

Það sem mér fannst þó merkilegast var að hvorki RÚV né Stöð 2 minntust á þetta veður í sjónvarpsfréttum sínum!

Hvað veldur?   Hræðast báðar fréttastofur vont veður ef það er Sunnanlands?  Forðast þær viljandi að segja frá úrhelli og hagléli? 

Hefðu þau birt og sagt frá veðrinu ef það hefði verið annars staðar á landinu? 

Mér finnst þetta veðurfar á Suðurlandi í kvöld afskaplega fréttnæmt og áhugavert, vegna þess að ég hef áhuga á veðurfræði  og þá er mér nokk sama hvar á landinu við upplifum áhugavert veðurfar.

 Ég segi.......   Fylgist með fréttastofur og segið frá áhugaverðu veðurfari þó það gerist ekki í Reykjavík.